GROOTSK OP GRUNNEN

Moi, ik bin Sieneke Lambeck oet Lösdörp.
‘Dingen soamen doun’ doar loop ik waarm veur.
Net as ‘Groninger Dorpen’ ben ik slim tröts op alles wat Grunnengers is. Doarom diskeer ‘Kiek nou es!’ in ons aigen toal en hoop ik dat mainsten van joe mien verhoal kinnen lezen en begriepen.

Ik heb der veul oardighaid aan om verainen ‘Groninger Dorpen’ in heur waark bie te stoan. Op moment help ik mit om dörpshoesen letterlijk beter op de koart te kriegen. Van sikkom aal dörps- en buurthoezen in pervinzie staait mainste informoatie goud op web-stee van ‘Groninger Dorpen’. In ferbewoari dit joar bin ik begonnen webstee oaf te streunen en voug ik tou of verbeter ik ain en ander wat neudig is. Sumtieds goa ik mit woagen op pad om ploatjes van dörpshoezen te schaiten. As ik din zo deur ons schiere ommelanden onderwegens bin vuil ik mie keuneg(in) te riek!

Kiek mor ais op webstee van ‘Groninger Dorpen’ onder ’Buurt- en dorpshuizen op de kaart’ of joen dörpshoes der ook op staait. Loat as der nog wat aan mekaairt of (nog) nait aanlevert is, zo as t (web)adres, een beschrieven en een foto, mor aan ons waiten. Ik mok t groag veur mekoar!